Different Wedding Cultures Of Pakistan

         PAKISTANI WEDDING

 Kisi bhi society mein shadi ko Boht ahmiat hasil hoti h isi tarha Pakistani society mein bhi shadi ko Boht important samjha jata hai shadi 2 afrad nhe bl k 2 families k darmyan umar bhar k lye jurny Wala 1 khaas bandhan hota h is me do logon or unki families Ka apas mein 1 gehra taaluq jur jata hai or shadi k lye 1 concept ye bhi common hai k joryan to aasmanon per bnti hain ispe English mein 1 quote bhi hai k:

     Marriages are made in heaven but     it was celebrated on earth

          Pakistan mein zyada tr musalman rehty hain or Islam mein shadi ki bunyaad Nikah par hoti h Jo k 1 larky or larki k bech umar bhar K lye hony Wala ek  contract hota hai Nikah k lye 4 witness ki zarorat hoti hai jnki mojoodgi mein larka or larki nikah naama per sign krty hain or ek dusry ko apny nikah mein qabool krty hain Islam mein nikah ki Boht ehmiat hai.

jb ksi family mein larka ya larki baligh hojaty hain to parents un k munasib rishty tai krdete hain Pakistan mein zyada tr arrange marriages Ka rujhan h par waqt k sath sath love marriages ki tadad mein bhi izafa horaha hai lekin yahan par kch families mein love marriage ki permission nhe hoti or isy acha nhe smjha jata aj bhi hmari society mein love marriages ko WO ehmiat hasil nhe Jo arrange marriages ko hasil hai.

           Pakistan mein different cultures se talluq rakhny waly log abaad hain or shadi sb k lye bohot important event hai par hr culture me shadi mein bohot si rasmen hoti hain kch rasmen taqreban tamam cultures mein 1 jesi hoti hain par kch rasmen hr cast or culture ki alag hoti hain. Par Islam mein shadi ki bunyad nikah per hai or in rasmon Ka koi concept nhe hai ye rasmen hmari apni adopt ki hui hain Jo humne apny ird gird k logon or mahol se ya hinduon se ki hain Jo k kae saalon tk musalmano k sath rahy hain or pchly kae saalon se ye rasmen yunhi chali arahe hain.

RASAM/MANGNI/ENGAGEMENT:

Jab 2 families apas mein rishta jorny Ka faisla krlete hain to sbse phly WO mangni ya baat pakki krny ki rasam krty hain is me kch families mein Larky ki ami larki ko angoothi ya red dupatta urha k or phool ka haar pehna k ya methai khila k or salami de k rishta pakka krleti hain isi tarha larki waly bhi larky ko gifts de k ya ring ya phool Ka haar pehna k or methai khila k rishta pakka krty hain or dono families ek dusry ko fruits, mithai or gifts b dete hain kch engagement separate hoti hain or kch combine aj kal combine engagement zyada common hogae hai js mein larka or larki ek dusry ko ring pehnaty hain.

MAYON:

        Is k baad shadi K functions Ka baqaida aghaaz hota h or Rasme mayoon ka function hota h bohot si families mein Mayon Waly din mehfile melad bhi munaqid ki jati hai is function me dulhan ko ubtan lagaya jata h or dulhan yellow, pink, orange ya green color Ka dress pehnti hain or larky Waly isdin mehndi or bari le k aaty hain jismein dulhan k jory, chooryan, zewar, meway se saji thaal, suhaag poora (mtlb suhag ki nishanyan sandal waghera) or degar saman shaamil hain ye rasam larki k ghar me ya phr hall me hoti hai Mayon me ghr ki sari orten dulhan ko ubtan or oil lagati hain  or dulhan ko uski behnen or friends red dupatty k nechy stage tk laaty hain or dulhy or dulhan walon k bech gany or dance Ka competition bhi hota hai or ye competitions hi shadi ki asal ronaq hoti hain

 dulhan 4 ya 6 days mayon bethti hai or in dino mein koi bhi male uska face nhe dekh sakta

MEHENDI:

      Shadi Ka next function mehndi Ka hota hai jsme larki Waly larky walon k ghar kapry mehndi ki thaal waghera le k jaty hain us din dulhy ko ubtan lagaya jata hai larka is din white kurta shalwar or yellow ya green dupatty pehnty hain. Ubtan lagny k baad dulha or dulhan ghar se bahar nhe nikal sakty mehndi mein ek Boht interesting rasam hoti h jisy "UNGLI  PAKARNY ki rasam" kehty hain ismein dulhan ki behnein dulhy ki little finger pe mehndi laga k WO finger pakar leti hain or ek suitable amount demand krti hain or  demand puri hony tk finger nhe chorti  aj kal kch families mein Mayon or mehndi combine bhi hoti hain.

         Kch families mein dholki or musical night bhi arrange ki jati hai or bohot se gharon me "RAAT JAGGY" Ka program bhi arrange kya jata hai jismein larkyan raat bhar jaag k mehndi lagati hain or gaany gati hain or ek dusry k sath haldi se khelti hain or ghar ki khawateen Gulgully pakati hain or dulhan ko bhi mehndi lagai jati hai.

 BARAAT: 

Shadi Ka sbse important function Baraat hota hai Jo k aj kal halls ya hotels mein hota hai par kch families mein Nikah phly ghar par hi hojata hai or kch Urdu speaking families mein Nikah k waqt dulhan ko Red ya pink color ki chaapi saari pehnai jati hai

        Dulhy ko un k ghr k bary buzurg sherwani pehnaty hain or paggar bandhty hain surma lagaty hain or kch metha khilaty hain is rasam ko "Dastar Bandi" kaha jata hai dulhaa pholon se saji car ya bagghi mein baraat le k apni dulhan ko lene pohnchta h wahan uska istaqbal hota hai or dulhy k saaly or saalyan "Gate Chikai" ki rasam krty hain jsme dulhy ko gate pe roka jata h or usse paise demand kye jaty hain jisy deny k baad hi WO andar jasakta hai.
        Dulhan barat mein mostly red color Ka dress pehnti hain or dulhy sherwani ya suit pehnty hain Dulha or Dulhan ko buri nazar se bachany k lye imam zamin b bandha jata hai.
          Gate chikai k baad dusri important rasam" Doodh Pilai" ki hoti hai jb dulhan ki behen dulhy ko doodh pilati hain or pesy mangti hain is k baad kuch families me "Maang Bharai" ki rasam hoti h jsme ek whole wali ring hoti hai dulha usy apni small finger or thumb se pkarta h or sandal se 7 baar dulhan ki maang bharta hai or kch families mein "Gad Bandhan"  ki rasam hoti hai jsme ek pink dupatty se dulhan k dupaaty or dulhy ki pagri ko baandh dya jata hai is k baad ek sbse interesting rasam "Munh Dikhai" ki hoti hai jisme dulha or dulhan ko sath bitha k un k upper Red ya Green color Ki goty wali shawl urhaye jati h or nechy mirror rakha jata h jsme dulha or dulhan ek dusry Ka face dekhty hain. Kch families mein "Paan Khilai" ki b rasam hoti h jsme dulhy ko 7 tareqy  k paan khilaye jaty hain  ek or interesting rasam "Joota Churai" ki hoti jsme salyan dulhy k jooty churati hain or phr usse paise demand krti hain ye bht interesting rasam hai is k baad "Sehra Bandhny" ki rasam hoti h ye sehra 7 suhaganon k sar pe touch kya jata hai phr dulhan Ka bhai usy sehra bandhta h. Is k baad rukhsati se phly "Ghar Bharai" or "Godi" ki rasam hoti h iska concept ye hai k larki susral me khush rahei.

RUKHSATI:

        Baap apni beti Ka hath dulhy k hath mein deta hai or Maa Baap apni beti ki rukhsati Quran k saaye mein duaon k sath krty hain or kch families mein dulhan k sath "Boondi ki Thaal ,Bhari poori or Khushk Mewajat" bhi bhejy jaty hain taa k WO susral mein khush rahei.
Susral pohnchny k baad bhi kch khaas rasmen hoti hain jnme "Ghar Bharai" "kheer khilany ki rasam" or "Ghar Parwesh" ki rasam hoti hain or kch families mein dulha dulhan ko utha k ghar k andar lejata hai yahan per dulhy ki behnen or bhabyan bhi "Gate Chikai" ki rasam krti hain or jb tk dulha unki demand nhe puri krdeta WO usy room mein enter nhe hony detin.
Shadi k agly din dulhan ki behnen dulhan or dulhy k lye nashta le k aati hain

  VALIMA/RECEPTION:    

  
Is k baad shadi Ka final function valimy Ka hota h jo larky waly krty hain or hr musalman apni istataat k mutabiq ye function arrange krta hai or tamam ehlo ayal or dost ehbaab dulha or dulhan ko gifts dety hain or aany wali behtr life k lye duaen dety hain or couple ko best wishes dete hain.

        Islam hamein saadgi Ka dars deta hai or Islam mein shadi Ka mtlb Nikah or Valima hai par aj kal saadgi se shadi Ka riwaj khatam hota jarha hai or grand wedding Ka concept Boht common hota jarha hai or designer dresses grand functions aj kal Boht common hogye hain log TV per celebrities ki shadyon k trends ko follow krty hain or unhi designers se apny kapry design krwaty hain or apni shady an wedding planners se organize krwaty hain or apni shadi ko grand bnany k lye khoob paise phekty hain.

Old weddings or New weddings ko compare kya jaye to wedding trends se le kr bride or groom k dresses tk sb kch bohot change hogya hai.