"MORNING SHOWS IN PAKISTAN"

       

           Ye basically ek entertainment show hai iska kaam logon ko entertainment k sath information bhi provide krna hota hai. Ajkal Morning shows  womens or specially house wives ko target karty hain or ye unhe entertainment  provide krny Ka Boht ahem zariya hain or ye un k lye entertainment hasil karny ka ek sasta tareqa bhi hai rozana Monday to Saturday subha 9 bjty hi taqrebn gharon me khawateen morning shows k intezaar mein TV sets k aagy beth jati hain kch gharon me to subha Ka nashta bhi morning show dekh kr hi hota hai or Ajkal to koi bhi tehwar ya occasion ho wo morning show k Bina adhoora lagta hai show me tehwar ki munasibat se program ya segments arrange key jaty hain.

         Pakistan mein morning show Ka aghaaz January 1988 mein Mustansar Hussain Tarrar urf (chacha jee) k show "Assalam -O- Alaikum sary Pakistan or pyary Pakistan" se hua ye Pakistan Ka sbse pehla morning show tha Jo k aurton or bachon mein bhi behad maqbool tha.

          Pakistan ka dusra maqbool tareen morning show Geo TV par Nadia Khan show tha Jo k 2006 me start hua is show ne morning show k trend ko hi change krdya or isy ek nae dunya or nae kamyabi di. Nadia khan ne apny morning show k zarye tezi se taraaqi ki log Boht shoq se Nadia Khan show dekhty thy 2009,2010 me ye most popular morning show bngya tha log is k style,dance,dresses,set ki decoration ko follow krty thy Nadia khan ne apny show pe munfarid andaz me logno ko birthday wish krna shuru kya Jo be had popular hua is k baad different channels ne bhi apny morning shows Ka aaghaz kya jisy different celebrities host krty thy.
         Ahista ahista morning shows itny popular hogye k hmari subha in k baghair adhuri lagny lagi or boht se famous morning shows aye jo boht popular b huye par phr kisi waja se bnd hogye unme Shahista Lodhi ka UTHO JAGO PAKISTAN boht famous hai 
       Aj taqreebn hr channel or news channels par morning shows aaty hain or  hr saal in morning shows ki taadad me bhi izafa horha hai or ajkal to morning shows k darmyan ratings ka ek bohot tuff competition start hogya h . Ajkal mard or khawateen donon bakhoobi morning show host kr rahy hain or as a host apna naam bna rahy hain. Ajkal logon/viewers ko attract krny k lye hr Morning Showa apny show ka ek attractive sa title song b rakhty hain Jo k show k start me play hota hai or WO us show ki pehchan hota hai.

"2016 k kch famous Morning Shows k naam":
*Jago Pakistan Jago 
(By Sanam Jang) On HUM TV

 Sanam jang personally meri favourite morning show host hain inka style or inki smile boht attractive hai.

*Good morning Pakistan
(By Nida Yasir) On ARY DIGITAL

Nida yasir k shows achy hoty hain ye b ek Boht famous host hain or Boht logon ki favourite b hain pr  sometimes mjhy inka style boht dramatise lagty hain 

*Satrangi 
(By Jaweria Saud) On Express Entertainment

Jaweria Saud ek famous actress bhi hain or Boht se log inhe pasand bhi karty hain par inka style kbhi kbhi kafi over hojata hai.

*Subha Savery Samaa k sath
(By Sadia Imam) On Samaa
Sadia Imam ek famous actress hain or Boht se log inhe kafi pasand krty hain  or inki hosting Ka apna alag andaaz hai.

*Aapka Sahir
(By Sahir Lodhi) On  TV ONE
Sahir Lodhi Ka style Shahrukh Khan se Boht milta hai inhen Pakistan Ka Shahrukh Khan bhi kaha jata hai jb k Boht se logon Ka ye manna hai k Sahir Lodhi Shahrukh Khan ko copy krty hain par khair ye apny is munfarid style ki waja se hi famous hain inhon ne phly bhi morning shows host kye hain or as a host apny faraiz ko bakhoobi nibhaya hai.

*The morning show
(By SANAM BALOCH) ON ARY NEWS
 Sanam Baloch ek Boht khoobsurat host hain or apny polite se andaz ki waja se kafi log inhen Boht pasand krty hain.

*Sunrise from ISTANBUL
(By Maria Wasti) On SEE TV
Maria wasti Ka style Boht Acha h or inka show baqi morning shows se kafi different h isme different segments hoty hain cooking b hoti h or songs k lye band h Jo k different languages me songs gaaty hain or daily different guests hoty hain jnse gupshup hoti hai par inka show dusry shows ki tarha dramatise nhe lagta or inka set Jo k ek ship/yot me hota hai WO bhi boht different or attractive lagta hai.

*Salaam Zindagi
(By Faisal Quraishi) On ARY ZINDAGI
Faisal Quraishi Pakistan k ek Boht hi famous actor hain or kafi logon ko behad pasand hain inka hosting krny Ka bhi ek apna alag hi andaz hai Inhon ne phly b dusry channels par morning show or different programs host kye hain.

*Ek Naye Subha (with Farah)
(By Farah) On ATV

*Ye hai Zindagi

(By Saira Kabeer) On DAWN NEWS

*Morning Delight
(By Dr.RAFIA RAFIQ) On METRO ONE NEWS

*Morning with Juggan
(By Juggan Kazim )On PTV HOME
And so on .........................
         Bohot si celebrities morning show host bnny k baad hi zyada popular hui  hain jinme  Nadia khan , Nida Yasir , Shaista Lodhi or Sanam Jang sare fehrist hain.

 Kuch aesy trends Jo k morning shows ne common kye hain.
1.Designer dresses pehenny Ka trend.

                  Designers host ko apny dresses pehenny k lye dety hain or show par aa k apny dresses k designs dikhaty hain or chota sa fashion show bhi organize kya jata hai jsme models designer dresses pehen k modeling  krti hain or isi waja se ab logon me designer dresses pehenny Ka trend bohot common hogya hai log apny favourite host k dressing style ko bhi copy krty hain.

2.Selfies lene Ka trend:

                 Ajkal  morning shows me celebrities show k baad apni selfies lete hain or yahe trend logon me b boht zyada common hogya hai.

3.Gora hony Ka trend:

                 Morning shows par aye din rang gora krny k totky btaye jaty hain or roz roz k ek hi topic ne larkyon ko Boht zyada conscious krdya hai or sanwli larkyon ko ehsase mehroomi Ka shikaar krdya hai or inhen ye sochny par mjboor krdya hai k gora hona inki kitni ahem zarorat hai or is k bina society mein inki koi pehchaan nhe.

4.Weight loss krny Ka trend:

             Morning shows me ye weight loss tips btai jati hain isse log Boht zyada weight conscious hogye hain weight conscious hona achi baat hai par Boht zyada hona bhi thk nhe. Log ye sochny lag gye hain k agar hum moty hogye to hmari value nhe hogi hamen koi pasand nhe karega agar kisi Ka wait brh jae to WO khud ehsase mehroomi Ka shikaar hony lagta hai or apni nazron me hi apni ehmiyat khodeta hai.

5.Branded Chezen lene Ka trend:

                 Morning shows ne logon ko Boht zyada brand conscious krdya hai log ab srf branded chezen hi lena chahty hain   

6 .Celebrities ki remarriage ya Dobara Shadyon Ka trend:

                 Morning shows mein different celebrities ki dobara shadyan krwany Ka trend common hogya hai jsme different 
morning shows me celebrities ki dobarà shadyan krwai jati hain or log inki rasmen or dresses, dance or different styles ko follow krty hain in shows ko log Boht pasand krty hain or in shadyon se  shows ki rating me bhi izafa hota hai.

7.Baby Shower ya Goad Bharai Ka trend:

                   Morning shows me celebrities ki pregnancy celebrate ki jati hai unki gaod bharai ki jati hai celebrities apni pregnancy k experiences share krti hain Jo k Boht bura or ajeeb lagta hai or after delivery unse pregnancy k waqt experience kye jany Waly moments Ka bhi pucha jata hai ye sb Boht personal baaten hoti hain or inhen yun pubically discuss krna Boht ghalat or behuda harkat hai 

8.Grand functions Organize krny Ka trend: 

                 Morning shows ne logon me grand functions arrange krny k trend ko common krdya hai morning shows me weddings or birthday Boht grand tareqy se celebrate ki jati hai jissy inspire ho k log bhi apny functions wese hi organize krny lagy hain is tarha morning shows ne logon me fuzool kharchi ko aam kya hai jb k morning shows middle class families ko target krty hain Jo k itna extra expense afford nhe krsakty.

9.Cheapest Promotion ya Sasti promotion Ka trend:

                Morning shows ne sasti promotion k trend ko Boht common kya hai. Is me different brand ki promotion ki jati hai.  different designers apny dresses host ko wear krny dety hain or apny dresses show Pr le k aaty hain or logon ko apny designs dikhaty hain isi tarha jewellery, parlors or different chezon ki bhi promotion ki jati hai recently sanam jang ne apna 1 show The smart school pe kya Tha ye b sasti promotion Ka 1 hissa hai kbhi kbhi host kisi outlet par ja k wahan pe program krty hain is tarha us outlet ki bhi promotion hoti hai. Or ajkal ek new trend start hua hai k jb bhi koi new film release hony wali hoti hai ya drama start hony Wala hota hai to uski puri cast apni film ya dramy ki promotion k lye morning show pe nazar ati hai.

10.Qurbani k janwaaron k sath selfies lene Ka trend:

                  Baqraeid k din qareeb aaty hi host apna show mandi me ja k wahan janwaron k sath krty hain or in k sath selfies lete hain or ab ye trend logon me bhi common hogya hai WO bhi ab apny janwaron k sath selfies lety hain or net pe upload krty hain.

                  Ajkal Morning shows hamari life Ka ek important hissa bngaye hain hamen fashion Ka idea bhi morning shows se hi hota hai k hamen kese dresses bnany hain ya kesa makeup krna hai ya ajkal kya in hai kya out hai in short hum ye kehsakty hain k morning shows ne hmary life style ko completely change krdya hai.

               Ajkal Morning shows ratings k lye kch bhi krny ko tayar hain WO ye bhi nhe sochty k unki in harkat Ka society par kya impact parega kbhi set pe Qabristan Ka mahol create kya jata hai logon ko darany k lye to kbhi koi jaali baba bithadye jaty hain, kbhi fake shadyan arrange ki jati hain jnme kafi behuda qisam k dance dikhaye jaty hain, ya kbhi celebrity ki pregnancy dikhai jati hai, ya kbhi kisi celebrity k lye dulha dhundny Ka kaam shuru krdya jata hai ye morning show hai ya koi marriage bureau?Ajkal morning shows zyada tr dramatatize or fake hoty hain or ye SB srf ratings k lye kya jata hai.

         Morning shows ek entertainment program k sath information program bhi hai is lye hamary hosts ko apny shows me kch aesa Karna chahye jsse hmary aam logon Ka kch bhala ho unhen hamari youth ko encourage krna chahye or singing dancing k elawa bhi hmari youth k talent ko promote krna chahye ta k isse hamari society Ka kch bhala hosaky.